វិនិយោគិន ពាណិជ្ជករ ឧស្សាហករ សិប្បករ អាជីវករ រាប់ពាន់នាក់ គាំទ្រយុទ្ធនាការផ្សព្វផ្សាយការចុះបញ្ជីផលិតផល (ច.ប.ផ)

 

ឧកញ៉ាសាស្ត្រាចារ្យសមូហកបណ្ឌិត ឡី សុភាព ប្រធានសមាគមសហព័ន្ធវិនិ យោ គិនកម្ពុជា និងជាប្រធានសមាគមសហ ព័ន្ធការពារអ្នកប្រើប្រាស់នៅកម្ពុជា បានថ្លែងថា សមាគមសហព័ន្ធការពារអ្នកប្រើប្រាស់នៅកម្ពុជា និងបន្តសហការយ៉ាងជិតស្និតជាមួយ ក្រសួងស្ថាប័ន អាជ្ញាធរពាក់ព័ន្ធ និងវិស័យឯកជន ជំរុញការពង្រឹងសមត្ថភាពជាតិ ក្នុងការផលិតផលិតផលប្រកបដោយគុណភាព សម្រាប់ផ្គត់ផ្គង់តម្រូវការក្នុងស្រុក ដើម្បីពង្រឹងការយល់ដឹងពី នីតិវិធី និងអត្ថប្រយោជន៍ នៃការចុះបញ្ជីផលិតផល ចូលរួមលើកកម្ពស់ផលិតផលក្នុងស្រុកឱ្យមានគុណភាព សុវត្ថិភាព បង្កើនការជឿទុកចិត្តពីអ្នកប្រើប្រាស់ ចូលរួមលើក ស្ទួយអភិវឌ្ឍសេដ្ឋកិច្ចជាតិ ឈានទៅធានាស្តង់ដាអាស៊ាន និងមាន លទ្ធភាព ឈានទៅប្រកួតប្រជែងជាបណ្ដើរៗក្នុងទីផ្សារអន្តរជាតិ ស្របតាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ដែលដឹកនាំប្រកបដោយគតិបណ្ឌិតរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការថែរក្សានូវសុខសន្តិភាព ស្ថិរភាពពេញលេញ ការពារបូរណភាព ទឹកដី ការពារអធិបតេយ្យភាពជាតិ សម្បូណ៌ សប្បាយ រុងរឿង និងការអភិវឌ្ឍប្រទេសជាតិលើគ្រប់វិស័យ ឆ្ពោះទៅចក្ខុវិស័យឆ្នាំ២០៥០ ជាប្រទេសមានចំណូលខ្ពស់។

ឧកញ៉ាសាស្ត្រាចារ្យសមូហកបណ្ឌិត ឡី សុភាព បានថ្លែងបែបនេះ នៅចំពោះមុខ 
សមាជិក សមាជិកា ដែលជាវិនិយោគិន ពាណិជ្ជករ ឧស្សាហករ សិប្បករ អាជីវករ អគ្គនាយក នាយកប្រតិបត្តិ អ្នកគ្រប់គ្រងទូទៅ ម្ចាស់ក្រុមហ៊ុន រោងចក្រសហ គ្រាស សិប្បកម្ម និងម្ចាស់ផលិតផល តាមវិស័យ តាមផ្នែក រាប់ពាន់នាក់ នៅក្នុងពិធីបើកយុទ្ធនាការផ្សព្វផ្សាយការចុះបញ្ជីផលិតផល (ច.ប.ផ) ដល់ម្ចាស់សហគ្រាស និងសិប្បកម្មកែច្នៃនានា ស្វែងយល់បន្ថែម អំពីគុណតម្លៃ និងអត្ថប្រយោជន៍ផ្សេងៗ ដើម្បីប្រើ ប្រាស់ជាឧបករណ៍ស្នូល សម្រួលដល់ការធ្វើពាណិជ្ជកម្មទាំងក្នុង និងក្រៅ ប្រទេស នាដើមសប្តាហ៍នេះ នៅរាជធានីភ្នំពេញ ក្រោមអធិបតីភាព ភាពឯកឧត្តម ហែម វណ្ណឌី រដ្ឋមន្ត្រីក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។

សូមជំរាបថា យុទ្ធនាការផ្សព្វផ្សាយការចុះ បញ្ជីផលិតផល (ចបផ)សហការរៀប ចំឡើងដោយ ក្រសួងឧស្សាហកម្ម វិទ្យាសាត្រ បច្ចេកវិទ្យា និងនវានុវត្តន៍ វិទ្យា ស្ថានស្តង់ដារកម្ពុជា និងសមាគមសហពន្ធ័ការពារអ្នកប្រើប្រាស់នៅកម្ពុជា។

នៅក្នុងកម្មវិធីផ្សព្វផ្សាយនេះ, ឧស្សាហករ និងសិប្បករ ថ្លែងលើកឡើងស្រដៀងគ្នាថា កម្មវិធីផ្សព្វផ្សាយអំពីការចុះបញ្ជីផលិត ផល (ច.ប.ផ) នាពេលនេះ ពិតជាមានសារៈសំខាន់ណាស់ ដើម្បីឱ្យពួកគាត់បានស្វែងយល់បន្ថែម ពីរៀបរបបលើការរៀបចំខ្សែច្រវាក់ ផលិត កម្ម និងនីតិវិធីផ្សេងៗនៃការចុះបញ្ជីឱ្យស្របតាមលក្ខខណ្ឌតម្រូវ ដើម្បីឱ្យឧស្សាហកម្ម សហគ្រាស ជាពិសេសសិប្បកម្មនានា ដែលមិនទាន់ចុះបញ្ជី អាចឈានទៅចុះបញ្ជីផលិតផល (ច.ប.ផ) ដោយអនុលោមទៅតាមផលិតផលរបស់ខ្លួន។

ក្នុងយុទ្ធនាការនេះ សហគ្រាសផលិត និង ក្រុមហ៊ុននាំចូល ដែលចុះបញ្ជីផលិតផលច្រើនមុខ ក្នុងពេលតែមួយ នឹងទទួលបានការលើកទឹកចិត្ត ពិសេស គឺការបញ្ចុះ តម្លៃ ១០% សម្រាប់ការចុះ បញ្ជីផលិតផលពី ៥-១៩ មុខ, ១៥% សម្រាប់ការចុះបញ្ជីផលិតផលពី ២០- ៤៩ និង ២០% សម្រាប់ការចុះបញ្ជីផលិតផលលើសពី៥០មុខ ក្នុងពេលតែមួយ។នេះបើតាមប្រសាសន៍ ឯកឧត្តមរដ្ឋមន្ត្រី ហែម វណ្ណឌី ។

បើតាមប្រសាសន៍ រដ្ឋមន្ត្រី ហែម វណ្ណឌី ការចុះបញ្ជីផលិតផលមិនមែនជាការងារថ្មី ឬបន្ទុកបន្ថែមសម្រាប់អាជីវកម្មទេ ប៉ុន្តែយុទ្ធនាការនេះ កើតចេញពីឆន្ទៈ ក្នុងការកែលម្អសេវា និងការគាំទ្រដល់វិស័យឯកជនយ៉ាងពិតប្រាកដរបស់ក្រសួង។ យុទ្ធនាការពេលនេះគឺទាន់ពេល ត្រូវកាលៈទេសៈ និងឆ្លើយតបផ្ទាល់ទៅនឹងកង្វល់ និងសំណូមពររបស់ទីផ្សារ ទាំងអ្នកផលិតនិងអ្នកប្រើប្រាស់ ក៏ដូចជាការវិវត្តនៃសភាពការណ៍ពាណិជ្ជកម្ម។
ការចុះបញ្ជីផលិតផលគឺជានីតិវិធីដែលផ្តល់អត្តសញ្ញាណដល់ផលិតផលគ្រប់ប្រភេទ និងគ្រប់ទម្រង់ ដោយអនុលោមតាមស្តង់ដារកម្ពុជា CS001-2000 ស្តីពីការដាក់ស្លាកផលិតផល។ សម្រាប់អ្នកប្រើប្រាស់ ការចុះបញ្ជីផលិតផលផ្តល់នូវតម្លាភាព និងលទ្ធភាពស្វែងរកប្រភពទំនិញ និងម្ចាស់ស្របច្បាប់របស់ផលិតផល៕