ឧកញ៉ាសាស្ដ្រាចារ្យសមូហកបណ្ឌិត ឡី សុភាព ប្រធានសមាគមសហព័ន្ធវិនិយោគិនកម្ពុជា និងជាប្រធានសមាគមសហព័ន្ធការពារអ្នកប្រើប្រាស់នៅកម្ពុជា បានដឹកនាំសមាជិកសមាជិកាចូលរួមដាក់កម្រងផ្កាក្នុង ពិធីបុណ្យឯករាជ្យជាតិ ៩ វិច្ឆិកា ឆ្នាំ២០២៥ នៅវិមានឯករាជ្យ

 

ពិធីនេះបានធ្វើឡើង នាព្រឹកថ្ងៃទី០៩ ខែវិច្ឆិកា ឆ្នាំ២០២៥ នៅបរិវេនវិមានឯករាជក្នុងរាជធានីភ្នំញ ក្រោមព្រះរាជាធិបតី ដ៏ខ្ពង់ខ្ពស់ ព្រះករុណាព្រះបាទសម្តេចព្រះបរមនាថ នរោត្តម សីហនុ ព្រះមហាក្សត្រនៃព្រះរាជាណាចក្រកម្ពុជា និងឥស្សរជនកំពូលរបស់ជាតិ នៅក្នុងស្ថាប័នព្រឹទ្ធសភា រដ្ឋសភា និងរាជរដ្ឋាភិបាល រួមនិងកងកំលាំងទាំងបី ស្ថាប័នក្រសួងមន្ទីរ និងមហាជនផងដែរ។

ដោយឡែកងាកមកវិយឯកជន នៅក្នុងឱកាសដ៏ថ្លៃថ្លានេះដែរ ឧកញ៉ាសាស្ត្រាចារ្យសមូហកបណ្ឌិត ឡី សុភាព ប្រធានសមាគមសហព័ន្ធ វិនិយោគិនកម្ពុជា និងជាប្រធានសមាគមសម្ពន្ធភាពអង្គការ- សមាគម និងវិស័យឯកជននៅកម្ពុជា  បានដឹកនាំ ប្រតិភូ វិនិយោគិន ឧស្សា ហករ ពាណិជ្ជករ សិប្បករ អាជីវករ អ្នកជំនាញវិជ្ជាជីវៈ បុគ្គលស្វ័យនិយោជន៍ និង វិស័យសេដ្ឋកិច្ចក្រៅប្រព័ន្ធ ក៏បានដឹកនាំប្រតិភូ ចូលរួមអបអរសាទរ បុណ្យខួប អនុស្សាវរីយ៍ លើកទី៧២ នៃទិវាបុណ្យឯករាជ្យជាតិ ៩ វិច្ឆិកា និង ទិវាកំណើតនៃកងយោធពលខេមរភូមិន្ទ និង មីទ្ទីងមហាជន៩ វិច្ឆិកា ១៩៥៣ - ៩ វិច្ឆិកា ២០២៥នេះដែរ ទាំងនៅវិមានឯករាជ្យ និងវិមានព្រះបរមរូបព្រះបរមរតនកោដ្ឋ ។

ទិវាបុណ្យឯករាជ្យជាតិ៩ វិច្ឆិកា គឺជាការរំលឹកឲ្យឃើញ ពីស្នាព្រះហស្ថ និងព្រះរាជបូជនីយកិច្ច និងបេសកកម្មដ៏ឧត្តុង្គឧត្តម ថ្លៃថ្លាជាទីបំផុត ដើម្បីជាតិមាតុភូមិ និងប្រជារាស្ត្រខ្មែរ របស់អង្គព្រះករុណា ព្រះបាទសម្តេចព្រះនរោត្តម សីហនុ ព្រះបិតាឯករាជ្យជាតិ អតីតព្រះមហាក្សត្រខ្មែរ  ព្រះបរមរតនកោដ្ឋ ដែលព្រះអង្គ បានលះបង់ព្រះកាយពល និងព្រះបញ្ញាញាណ យ៉ាងក្លៀវក្លាបំផុត ធ្វើការតស៊ូ ក្នុងក្របខណ្ឌ នៃព្រះរាជបូជនីយកិច្ច ដើម្បីទាមទារឯករាជ្យដ៏ពិតប្រាកដនៅកម្ពុជា ចេញពីអាណានិគមនិយមបារាំង នៅថ្ងៃទី០៩វិច្ឆិកា ឆ្នាំ១៩៥៣ ហើយដែលមកដល់ ថ្ងៃ០៩វិច្ឆិកា ឆ្នាំ២០២៥នេះ មានរយះពេល ៧២ឆ្នាំហើយ។

 

ជាចុងចញ្ចប់ឧកញ៉ាសាស្ត្រាចារ្យសមូហកបណ្ឌិត ឡី សុភាពក៏បានថ្លែងអំណរគុណចំពោះសមាជិក សមាជិកា ដែលបាន ចូលរួមតាមការអញ្ជើញរបស់គណៈកម្មាធិការជាតិរៀបចំបុណ្យជាតិ-អន្តរជាតិ ហើយបានមានប្រសាសន៍បន្ថែមទៀតថា ការចុះត្រួតពិនិត្យនេះ មានគោលបំណងធានាបាននូវការប្រារព្ធនៃពិធីខួបអនុស្សាវរីយ៍នេះ ប្រព្រឹត្តទៅដោយរលូន និងអធិកអធម ៕