លោក ជា ចាន់ណារិទ្ធ អគ្គនាយកសិប្បកម្មផលិតទ្វាជ័រ ជា សុខឈួន ចាប់តាំងតំណាងឲ្យលោក អ៊ុយ សុធុន ដឹកនាំក្រុមការងារចូលរួមគោរពវិញ្ញាណក្ខន្ធ និងរំលែកទុក្ខចំពោះក្រុមគ្រួសារសពយុទ្ធជន ចំនួន១០គ្រួសារ ក្នុងខេត្តសៀមរាប

ខេត្តសៀមរាប : ថ្ងៃអាទិត្យ ខែសីហា ឆ្នាំ២០២៥ លោក ជា ចាន់ណារិទ្ធ អគ្គនាយកសិប្បកម្មផលិតទ្វាជ័រ ជា សុខឈួន បានចាប់តាំងតំណាងឲ្យលោក អ៊ុយ សុធុន ដឹកនាំក្រុមការងារចូលរួមគោរពវិញ្ញាណក្ខន្ធ និងរំលែកទុក្ខចំពោះក្រុមគ្រួសារសពយុទ្ធជនចំនួន១០គ្រួសារ រួមមាន ស្រុកវ៉ារិនចំនួន១គ្រួសារ ស្រុកសូត្រនិគមចំនួន១គ្រួសារ ស្រុកស្រីស្មំចំនួន 2 គ្រួសារ ស្រុកពួកមានចំនួន 1 គ្រួសារ ស្រុកបន្ទាយស្រីមានចំនួន 3 គ្រួសារ ក្រុងរុនតាឯកតេជោសែនមាន១គ្រួសារ និងក្រុងសៀមរាប១គ្រួសារ ដែលបានស្លាប់បាត់បង់ជីវិតនៅក្នុងព្រឹត្តិការណ៍ផ្ទុះអាវុធជាមួយទាហានថៃ នៅព្រឹកថ្ងៃទី២៤ ខែឧសភា ឆ្នាំ២០២៥។
 

នៅក្នុងឱកាសនោះ លោក អ៊ុយ សុធុន បានសំដែងនូវការចូលរួមរំលែកទុក្ខ និងថ្លែងផ្តាំផ្ញើនៅការចូលរួមមរណៈទុក្ខយ៉ាងក្រៀមក្រំបំផុត ជូនចំពោះក្រុមគ្រួសារសព ចំពោះការបាត់បង់ស្វាមីដ៍ល្អ និងជាឪពុកដ៍ល្អ​របស់កូនៗ​លោកបានបន្តទៀតថា
នេះជាការបាត់បង់ដ៏ធំនៃជាតិ និងជាពិធីសោកស្តាយរួមរបស់ពលរដ្ឋខ្មែរទាំងមូល ចំពោះវីរៈបុរសដែលបានស្លាប់បាត់បង់ជីវិតដើម្បីបុព្វហេតុការពារជាតិមាតុភូមិ ។

ជាមួយគ្នានោះ លោកបាននាំយកថវិកាចំនួន 1000 ដុល្លារ នាំទៅជូនក្រុមគ្រួសារសពពលី ក្នុងមួយគ្រួសារទទួលបានទឹកប្រាក់ចំនួន 100 ដុល្លារ និងគ្រឿងឧបភោគបរិភោគមានដូចជា អង្ករ មី ត្រីខ ទឹកត្រី ទឹកស៊ីអ៊ីវ ទឹកសុទ្ធ ដែលពលីជីវិត ដែលស្ថិតនៅក្នុងខេត្តសៀមរាប ដែលមានចំនួន១០គ្រួសារ ដើម្បីជួយសម្រាលទុក្ខលំបាករបស់ក្រុមគ្រួសារសពក្នុងគ្រាដ៏សោកសៅនេះ ជាមួយនឹងការឧទ្ទិសបួងសួងសូមឱ្យវិញ្ញាណក្ខន្ធសព​បានដល់សុគតិភពកុំបីឃ្លៀងឃ្លាតឡើយ។


ជាចុងក្រោយលោក អ៊ុយ សុធុន បានពាំនាំពាក្យ លោក​ ជា ចាន់ណារិទ្ធ អគ្គនាយក ផ្ដាំផ្ញើសួរសុខទុក្ខក្រុមគ្រួសារសពដែលពាក់លីជីវិតនៅសមរភូមិមុខ សូមចូលរួមសោកស្ដាយសម្រាប់ការបាត់បង់សាច់ញាតិបងប្អូនក្រុមគ្រួសារ ដោយលោកសូមចូលរួមរំលែកទុក្ខ យ៉ាងក្រៀមក្រំទៅដល់ក្រុមគ្រួសារនៃសពផងដែរ៕